podkarpatrus (podkarpatrus) wrote,
podkarpatrus
podkarpatrus

Есенин на русинском

С.Есенин
Ярь
Приступ минув.
Жалі пропали.
Живот прийму, як первуй сон.
Учора’м прочитав у „Капіталі”.
Ож для поету свуй закон.
 
Фурделице, тепер
Хоть чортом вый,
Потоплеником, дуркай голым,-
Я ниська цілком тверезый,
Цімбора сильным і веселым
 
Гнилых не треба шкодовати.
И нихто мене не шкодуй,
Кедь я покорно умирати,
Муг в фурделици сніговуй.
 
Тінь, тінь, синичко!
Добру хуть!
Не буйся!
Я тя не кину!
Кедь хочеш,
Сядь собі на плут,
Пуллый муй час
Уже минув.
 
Закон обертаня має місто.
Вун зв’язує нас
Усіх живущих.
Кедь серед нас ты не найпущщый,
То маєш право
І лячи, і сісти.
 
Вітаву тя,
Муй клене, бідный брате!
Перебач, ож чести’м ти урвав.
Хоть час ти одіж і порвав,
Ты будеж
Нову скоро мати.
 
Нова, зелена,
Красна шапка.
В апрелю буде тти дана.
Тебе обыйме
Ярня ласка
В зимі тобов так чекана.
 
І прийде дівочка од тобі,
Пол’є водов тя із керниці,
Вбысь у студеному октовбрі
Муг ся бороти з фурделицьов.
 
А  ночов
Місяць ся укаже.
Псы го не йзіли,
Увун туйки.
-         Не віділисьте ня, -
-         увун каже,
Через крываву
Людську буйку.
Буйка минула.
Місяць ся сміє,
І своє світло нітронове
Деревам у зелені новуй
Як красну новту
Вночи л’є.
Так пийте, груди мої,
Ярь!
Страдайте новыма
Стихами!
Пропала десь моя печаль,
Я ся не ваджу
З когутами.
Земле, земле!
Ты – не метал,
Бо з жиліза
Не выросте листочок.
Доста напасти
На єден рядочок
І нараз –
Розумієш «Капітал»
26 децембра 2007 року
Стовмачив Іван Ситар.



http://www.volny.cz/premija-ru/
 
Subscribe

  • Post a new comment

    Error

    Anonymous comments are disabled in this journal

    default userpic

    Your IP address will be recorded 

  • 0 comments