April 2nd, 2008

rusin, rusyn, русины

(no subject)

 

ПРАВО РУСИНСЬКОГО НАРОДА НА САМООПРЕДІЛЕНІЄ ПОДДЕРЖУЄСЯ ВСЬЫМ СВІТОМ.



В газету «Подкарпатська Русь» принюс д-р Ю. Думнич письмо од д-ра мед. Николая Гевкана из Майямі (США) на тему: «Свобода Закарпаття и конфліктні зоны СССР».
Д-р Николай Гевкан напоминать нам, подкарпатськым русинам, про право русинського народа на самоопреділеніє, якоє поддержуєся всьым світом. Но варіантов реалізаціи такого права - основні четыри.
Письмом русин из Майямі (США) д-р Николай Гевкан напомнив нам про право Закарпаття - Подкарпатськой Руси на національноє самоуправленіє, а русинов, в качестві народа из правом на самоопреділеніє. Вун ясно пише про варіанты рішеня судьбы Закарпаття – Подкарпатськой Руси, як:
1. Русинська «спеціальна самоврядна територія і як субєкт в составі Украйины; Сись варіант - результат референдума 1 децембра 1991 года, - є май куртый и мирный.
2. Русинська національна держава (яка потребує временну егіду РФ и ЄС, як правопреємников-подписантов пакта Фірлінгера-Молотова). Сись варіант предложеный Деклараційов Сойма ПР от 15.12.07., - є органічно допускающый любый из предложеных туй варіантов.
3. Русинська національна держава в составі ЄС из нейтральным статусом под егідов ООН; Сись варіант поддержали бы и подкарпатські и європейські русины, як май прогресивный для всіх європейських русинов. При сёму варіанті є реальна возможность не лем сохранитися од быстрой ассиміляціи, но й создати условія возрожденія центральноєвропейського народа русинов.
4. Русинськый штат - в составі США; Сись варіант вызріває у русинському політикумі в США и є спорный и конфліктный, но возможный.
Письмо в архіві газеты. Подробности письма на сайті http://avtohtonkarpat.narod.ru/