November 24th, 2009

rusin, rusyn, русины

РОЗКОНАРЕНИ АКТИВНОСЦИ КПД ДОК

Културно-просветно друштво ДОК – Куцура
Кulturno-prosvetno društvo DOK – Kucura
Културно-просвитне дружтво ДОК – Коцур
Кultúr-oktatási tártaság DOC – Kuczora
Cultural Educational Society DOC – Kucura

2 ПРОМОЦИЇ, 2 ТУРНИРИ, 1 ОКРУГЛИ СТОЛ

РОЗКОНАРЕНИ АКТИВНОСЦИ
КПД ДОК

У наиходзацих двох тижньох Културно-просвитне дружтво ДОК орґанизує два промоциї своїх кнїжкох, два турнири и єден округли стол.
Перши зоз цаловечарших програмох заказани за пияток, 27. новембра, у просторийох Народней библиотеки и читальнї Данило Киш у Вербаше. Слово о промоциї збирки писньох Александра Деветака под насловом Тайновити места. Рецензенти кнїжки Небойша Деветак и проф. др Михайло Фейса, а видавателє Видавательна хижа Прометей з Нового Саду и КПД ДОК зоз Коцура. Початок промоциї заказани за 19 годзин.
Два днї познєйше, на нєдзелю, 29. новембра, на 19:30, у Доме култури Коцур, Културно-просвитне дружтво ДОК орґанизує округли стол на тему Виберанки за Национални совит рускей националней меншини. Прияви за участвованє на Округлим столє, питаня и дискусиї посилац на е-адресу предсидателя Дружтва, проф. др Михайла Фейси (fejsam@eunet.rs).
За соботу, 5. децембра, заказани два турнири у рамикох Спортских бавискох Яша Баков - турнир у шаху за учаснїкох по 15 роки и турнир у пикаду без огляду на роки живота. Приявйованє екипох (3 + 1 член) до пол ноци 4. децембра, а жреб на 10 годзин 5. децембра. Турнири ше отримаю у просторийох Основней школи Братство єдинство у Коцуре. Орґанизаторе Шаховски клуб Омладинєц и КПД ДОК.
Три днї познєйше, вовторак, 8. децембра, у Клубу Видавательней хижи Прометей з Нового Саду, отрима ше промоция другого тома репрезентативного зборнїка роботох Русини/Руснаци/Ruthenians (1745-2005) главного редактора проф. др Михайла Фейси. Рецензенти проф. др Александер Дуличенко зоз Естониї, проф. др Любивоє Церович и др о. Борис Холошняй зоз Австриї, а видавателє ИК Прометей, Филозофски факултет - Оддзелєнє за русинистику и КПД ДОК. Початок промоциї плановани на 18 годзин.




БУДУЩЕЕ ЗАПАДНОЙ УКРАИНЫ КАК АРЕНЫ ЖЕСТОКОГО ПРОТИВОБОРСТВА В КОНТЕКСТЕ ПОДКАРПАТСКОЙ РУСИ

Учрежден консорциум карпато-русинских организаций США и Канады


САЙТ ПОДКАРПАТСКАЯ РУСЬ