December 2nd, 2010

rusin, rusyn, русины

БУЯРА НОВТА

Ба ци вто чиляннику навновало флайбасовати сусїцьков бисїдов стихы ай прозу, бо натирьхав того вже, славити Бога, тринадцьить зборничкuв, ци штось го дюгнуло у тот бuк, де серце, бо яв днишньый май гірешный писатиль Черника, Свалявы, а иных пuдкарпацькых  сїл а варышuв Йван Фотул убертати очи а флайбыс й до бисїды матерниської.

   Ануш лем кить исьте ни подялазовали ймити в рукы аццисю ипну книжичку, перечитайте такі стuчні стихы, што хоть які піцїцькі, а упачать йих кликати спuванками.

   До шилиякого стиха бы сьте ни вбернули очи, а лучить ся в ньому дакuлько домак ороньовых русинськых слuв.

   Давно м оянловав Йванови, ош май фіномна новта його поетичеської душі – русинська.

    И – справдило ся: навхтемашно запопашливый креатор баторно гошиться  на такі темы, што досьuть йих рідко тко й кывав !

   Иппен завто в доцят уріхтованых – тuйтакый удялованых ! –

шориках Фотуловых стихuв зачучайила ся така русинська буярuсть, што ківеновати дашто иноє й ниваловшно.

   Ни мусайно ся догадовати, ош чому май рянні русины дниська ся так онажать за своє: русинська новта, русинськоє слово суть тыма тиглочкома, котры нас споможуть у чиніню свої укремішної націоналної хыжі.

 

  

   Тигла за тиглов, геренда вд герендї, шингла пиля шинглы, и – позираєме, а – живеме у домак свому !

   Айбо што щи туйкы баскорити !?..

   Я на Йвана Фотула бизуву и май урвитошный тирьх !

   Лем собі ни полївляти, ай тирьхати й тирьхати, бо сам Богонько дав Йванови Фотулови так бивно, што Йван годен и нам  много што ояндиковати, гикой аццисю чічану книжку.

 

                                                                      Иван   ПЕТРОВЦІЙ,

                                                                       русинськый  писатиль


http://petrovtsiy.livejournal.com/10544.html

"Информационный марш против фальсификаций волеизявления в Закарпатье-Подкарпатской Руси"

25 сентября в Мукачево состоялся объедииненный (Всемирный и Европейский) Конгресс Подкарпатских Русинов


ПЕТР ГЕЦКО: У русинов есть цель, а у Украины – нет

САЙТ ПОДКАРПАТСКАЯ РУСЬ