podkarpatrus (podkarpatrus) wrote,
podkarpatrus
podkarpatrus

Русинам с Киева говорят:"Думайте по украински!" А Русины думают только по русински!

Na zdrave vam, panove Kijevski, tu vam pozdrav zoz Bačkej, M. Hornjak
http://rusin.forum24.ru/?1-3-0-00000250-000-0-0-1234781105 
Тоту спиванку - *А я чарна як чарна чернйица* - знала моя баба по мацери Маря Планчакова, родзена у Коцуре, Бачка, Войводина, Сербия там дагдзе коло 1870- року и учила спивац валалски дзивки! А дйидо Янко спивал себе по мадярски *Езо сеп, езо сеп* и лал и викриковаал лэм по мадярски "Аз апад уристен". Лэм дакеди уж кед се добре налял палэнки знал заспивац *Червена ружа трояка, мала я мужа пияка*...

Анйи эдно анйи друге, нйихто у валалэ зоз тей старей генерацийи, анйи мой оцец и други родзени коло 1900, нэ знали спивац анйи эдну украйинску писню, за украйинцох по мену як таких нэ знали, о держави анйи беседовац. Кед се споминали *Старохо краю* то вше было лэм *Карпати*, *Подкарпатска Рус*-

Дйидо мал молитвенйик друковани у Русийи у 16/17 вику под час нэ знам хторей царевни Элисавети зоз хторим ходзел гу мертвому и цалу ноц цитал молитви за упокоэнэ. Тот молитвенйик закончел коло 1995 року у рукох пана Жириновскохо, як то було то за другу приповедку.

Наши Руснаци у Бачкей по украйински спивац и танцовац почали учиц по Першей световей войни, кед до Бачкей почали приходзиц вибеженци зоз Закарпатских краёх, медзи хторима у Руским Керестуре бул и А. Волошин, а вец пошол до Прагу у Ческей гу свойим нэмецким паном.

Кед я робел у Ханою, Виэтнам, дзеска коло 1987. зме се нашли представителэ тедиснэй цалей Юхославийи и Чехословацкей, як и Полйскей, Мадярскей и Совэтскохо Союзу - по презвискох хоч як викривених и зоз тохо як слухали кед ми беседуэме зоз супруху *по нашому* випитовали се - а цо ви за людзе, Руснак, Руснаци !?

Я знал же и вони сицки по походзеню Русини/Руснаци лэм припознац нэ смели. Кед зме заспивали сицки знали спивац *Червена ружа трояка*, тот зоз Мадярскей перше се охляднул чи му супруха нэ за хрибтом, авец хварел - паметам же мой дйидо и баба беседовали як и ви, од нйих сом слухал и тоту спиванку, хевтот зоз Полйскей хварел - хей, я Лемко, ЛЕМ ми жиэме у Полйскей та зме Поляки, хевтот зоз Чехословацкей хварел же вон - Виходняр а знал беседовац по нашому як и я, а хевтот остатнйи хварел - я совэтский, ми сицки эднаки...

Вони достали можлйивосц вихласиц се за Русинох аж по пременки 89/90., лэм нэ хевти у нэскайшей Украйини, вони там нэска нэ совэтски, алэ - украйинцки, и поруцене им зоз найвишохо места: ДУМАЙТЕ ПО УКРАЙИНСКИ!

На здраве вам, панове Киэвски, ту вам поздрав зоз Бачкей, М. Горняк
Subscribe

  • Post a new comment

    Error

    Anonymous comments are disabled in this journal

    default userpic

    Your IP address will be recorded 

  • 0 comments