podkarpatrus (podkarpatrus) wrote,
podkarpatrus
podkarpatrus

ИЗВЕСТНЫЕ ПОДКАРПАТСКИЕ РУСИНЫ Михаил Чухран

ИЗВЕСТНЫЕ ПОДКАРПАТСКИЕ РУСИНЫ

Михаил Чухран

Михаил Михайлович ЧУХРАН родився 23 новембра 1954 рока у славному историчному селі Королево Виноградовського района на Подкарпатю. Його родителі: нянько – желізничарь-машиніст, мамка – бібліотекарька. Из малости любив возитися на желізници (на поїзді) и читати книжкы. Закончив середню школу у Королеві и нараз поступив на химічный факултет Ужгородлського университета. Диплом достав 1976 рока. Робив два рокы у Львові по направленю у ”поштарськуй шкатулці” (почтовый ящик). Там галицькыми шпріцами кололи го, обы став украйинцьом. Нич не уйшло. Быв русином и обстався русином. Женився на хустянці. Переселився жити до Хуста и дале робив у “поштарськуй шкатулці”. Має двох красных сынув. Отслужив два рокы у войську СССР старшым лейтенантом. Шість рокув робив у Хустському карєрі на порошануй роботі (началник дробильного цеха). У час розвала Союза подорожовав по Мадярщині, Чехії, Росії, Румунії, Польщі, Югославії. Як му было доста, из 1966 рока робив у ”Укртелекомі” (Хуст). Теперь робить у Виноградовськуй телерадіокомпанії ”Виноградов-ТВ”, де окрем техничної службы веде творчу роботу як автор, ведучый и участник програм “Фіґлі тыжня”, “Наша бесіда”, “Сріберні струны”.
Публікує свої русинські стихы у новинках “РІО”, “Старый замок”, “Спорт-тайм”, “Подкарпатськый русин”, “Нарцисова долина”, у чеському журналі “Порогы”. Выдав книжочку “Про мене, про нас и про вас”. Його стихы включені у зборникы “Карпатськый блудослов”, “Антологія днешньої русинської литературы”. Выпустив аудіокнигу (у соавторстві из П.Чучком Молодшым) “Из центра Європы”. Його стихы фіґурувуть на сайтах Інтернеета “Карпатська колиба”, “Хустські фіґлі”. Декламаторы стихув М.Чухрана занимавуть перші міста на республіканськых конкурсах. Його стихы звучать у Польщи, Мадярщині, Чехії, Словакії, Росії, США, Канаді, Аргентині, Японії, Греції, Португалії, Испанії, Ирландії, Италії, Швайцарії, Німеччині, Анґлії, Литві.
У общественнуй роботі занимать важноє місто як заміститель головы Виноградовського научно-културологичного общества им.А.Духновича.
Браво, Михаил Михайлович Чухран!
М.Алмашій
http://nashastoronka.livejournal.com/1028.html

 

Subscribe

  • Post a new comment

    Error

    Anonymous comments are disabled in this journal

    default userpic

    Your IP address will be recorded 

  • 0 comments