podkarpatrus (podkarpatrus) wrote,
podkarpatrus
podkarpatrus

Интервью премьер министра Республики Подкарпатская Русь П.Гецко Мирославу Силадї сайт rusnak.info

 

Розгварка зоз предсидательом Влади Републики Подкарпатска Рус Петром Ивановичом Ґецко

06.04.2009

Почитовани панє Ґецко Иванович ми, русини, у Сербиї нєдостаточно информовани о Ваших намаганьох витвориц историйни циль – формованє Републики Подкарпатска Рус (РПР) та Вас модлїм же би сце одвитовали на даскельо питаня.

- По остатнїм пописованю жительства 2001 року урядово сообщене же на териториї Закарпатскей обласци жиє дацо вецей од 10000 русинох.. Кельо русинох жиє на териториї РПР?

Пописованє жительстава було фалсификоване. При спроводзеню паралелного пописованя и лєм у єдним району було пописане 120 тисячи. А вообще, по скромних преценьованьох русинох у Подкарпатскей Руси єст минимум 850 тиячи.

- Ми у Сербиї маме образовну вертикалу од предшколского образованя та по академски уровень. Яка ситуация РПР?

На Подкарпатскей Руси цале образованє русинох устроєне на самоинициятиви и зоз помоцу спонзорох. Роби 40 класи. Зоз боку українскей держави нїякей потримовки нєт. Стварянє антирусинскей психози и русинофобиї вдерело и на русинске образобанє. Шицки намаганя русинских орґанизацийох за отверанє катедри русинского язика и литератури на Ужгородским универзитету нє мали успиху.

- Зоз даєдних жридлох дознаваме же маце радио и ТВ емисиї и же Закарпатска Обласна Рада финансує видаванє новинох на русинским язику. Модлїм Вас же би сце нам пояшнєли кельо медиї Закарпатя и цалей України наисце провадза Вашо намагня.

Редакция на телевизиї формирована алє нєма буджет. Раз тижньово у тирваню од 20 минути идзе емисия котра заснова на ентузиязму и пожертвовносци русинских орґанизацийох. Цо ше новинох дотика, правда же Закарпатски обласни совит принєсол ришенє о додзельованю 60000 гривни алє го на слїдуюцим зашеданю поцагли. Українска преса, окрем гроженьох и компромитациї русинскей проблематики, нїч друге нє робя. Росийски державни медиї, телевизийни канал РТР, новини *Известия*, *Комсомолская правда* и *Росийская ґазета* моцно потримали нашо намаганя. Тиж так и росийски интернет виданя дали свойо доприношенє.

- У останїх даскельих мешацох були орґанизовани медзинародни конференциї у Росиї, Словацкей, Мадярскей на котрих тема було положенє Русинох Подкарпатя. Чи нам можеце повесц цо основни заключеня тих конференцийох и яки одгуки мали тоти конференциї у українских медийох?

Главни заключеня тих конференцийох то же русини у Подкарпатскей Руси народ. Друге, же ше у одношеню на русинох верши етноцид. Треце, же ше будучносц русинского питаня муши ришовац на медзинародним нивоу.

Реакция медийох була лєм у основних смушкох цо лєм погоршало одношеня спрам України.

- Пририхтованє а вец и преглашенє РПР, напевно, виволало и даяку реакцию Служби беспечносци України (СБУ). Модлїм Вас же би сце нам описали цо роби СБУ, як ше одноши ґу вам, о. Димитрийови Сидорови и другим дїячом котри активни у общерусинским руху Подкарпатя.

Реакциї було. Главна реакция то же порушана оптужба за загрожоване цалосносци України. По тераз Служба безпечносци України (СБУ) поволала на розгварки вецей од 1000 русинох. Я особно у тей хвильки нє у фокусу аль ше анї нє скривам. Спрам оца Димитрия Сидора подзвигнута оптужница и за тераз вон єдини обвинєни. Предсидателя Тячевскей реґионалней орґанизациї подкарпатских русинох вишлїдзовали 3 мешаци, медзитим по його виступаню до явносци зоз отвореним писмом вишлїдзованя престали. Нє престава вишлїдзованє предсидателя реґионалного здруженя карпатских русинох Боґдана Лакатоша. Но и коло шицкого того русини свойо лїцо и намири нє скриваю и нє боя ше, алє поставаю зєдинєнши и концетрисанши у борби за свойо права.

- Же би держава функционовала муши мац и економски потенцияли. Яки економски потенцияли ма РПР?

Прилапени буджет Републики Подкарпатска Рус (гож є ище нє припозната) виноши 4 милиярди евра. Основни фактор полнєня буджету то трансевропски транзитни коридори. Скорей шицкого то енерґетика: ґаз, струя, нафта. Ту и траспортни коридори – трансевропска автодрага и гайзибанска драга. Росия ма лем два гайзибански ґузли спрам ЕУ од хторин єдеден Подкарпатскорусински Чоп. Коло того, єден од приоритетох то розвиванє туризму.

- У Сербиї у Руским Керестуре ше у юнию того року отрима Шветови конґрес Русинох/Руснакох/Лемкох. Интересує ме же чи Ви особнє придзеце и чи Вам вообще послата поволанка.

Поволанку на Шветови конґрес РРЛ я нє достал, медзитим русинска делеґация формована. Я нє на списку.

- Цо би по Вашим думаню требали ми поробиц ту у Сербиї у цилю потримовки витворйованя Ваших намаганьох?

 
Неодлуга ше отрима Перши Шветови Конґрес Подкарпатских Русинох. По його отримованю плануєме процедуру припознаваня. Русини ше наздаваю же Сербия припозна державносц Републики Подкарпатска Рус. Зоз таку молбу, о кратки час, будзе упуцене писмо Сербскому парламенту од Шветового Конґресу Подкарпатских Русинох и Влади Републики Подкарпатска Рус.
 
- Яки Вам плани за наступни период?
 
Хвильково робим на пририхтованю Першого Шветового Конґресу Подкарпатских Русинох. После Конґреса починаме процедуру медзинародного припознаваня. Ту ше фшелїяк рахує на Росию, Сербию, Мадярску, Словацку, Румунию... Гевто найстрашнєйше за русинох и русинску державу уш за нами.

Дзекуєм на розгварки
 
розгварку водзел:

Мирослав Силадї


http://getsko.livejournal.com/24826.html
Subscribe

  • Post a new comment

    Error

    Anonymous comments are disabled in this journal

    default userpic

    Your IP address will be recorded 

  • 0 comments