podkarpatrus (podkarpatrus) wrote,
podkarpatrus
podkarpatrus

Интервю сайту www.rusnak.info


Интервю предсидателя
Шветового Конґреса Подкарпатских Русинох
Василия Михайловича Джуґана
сайту www.rusnak.info 20.05.2009. року.

 

Василий Михайлович, сцел бим Вам перше повинчовац на вибору за предсидателя Шветового Конґресу Подкарпатских Русинох и зажадац Вам успиху у нєлехкей роботи а на хасен подкарпаторусинского народу. Модлїм Вас же би сце одвитовали на даскельо питаня.

 

Дзекуєм на жаданьох. Порихтани сом одвитовац на Вашо питаня.

 

Поведзце нам у даскельо слова о причинох за формированє Шветового Конгресу Подкарпатских Русинох. Знаме же уш иснує Шветови Конгрес Русинох (ШК РРЛ) под предсидательством проф. П.Р. Маґочия.

 

Инициялна идея за формированє Шветового Конгресу Русинох (РРЛ) була предложена з боку др. Ивана Перкана, бувшим сотруднїком Канцелариї Предсидателя Чехословацкей Републики у Праги 1990. року. Тоту идею прилапел Русин Рудолф Матола зоз Праги. Фактично, Р. Матола бул най активнєйши орґанизатор першого Шветового Конґресу. Од теди отримане уш 9 Конґреси алє їх учасц у ришованю русинского питаня рушело на други бок и ишло на хасен українским власцом. И тераз, после того кед зме дознали хто поволани на 10. Конгрес зоз України постало ясне – треба дїиствовац, тим скорей бо идея Шветового Конґресу Подкарпатских Русинох вишела у воздуху оддавна. Приключели ше чески орґанизациї, подкарпатски русини зоз ЗАД и почало.

Почало пре то, же найвекша русинска заєднїца котра жиє на югу од Карпатох остала без защити. Теди и Україна помоцнєла вишлїдзованя и етноцид русинох на їх мацеринскей жеми. Нїхто нє бомбардовал населєня алє почали унїчтожованє русинскей култури, историї и духовносци. Чекац ше вецей нє могло. Интересантне же барз значну учасц у орґанизациї превжал син Рудолфа Матоли – Ґеналий Матола.

 

Єст и оцени о отримованю Першого Шветового Конґресу Подкарпатских Русинох, яки українски, росийски и американски оцини. Як Ви то видзице?

 

Шицко лоґичне- Українска власц цихо по питаню русинского питаня а українски спецслужби предлужую вишлїдзовац русинох по националним предзнаку. Лимит часу зоз Україну вичерпани. Русинох тероризую шицки ... од фашистичней политичней странки ШЛЄБОДА та по Службу Безпечносци України котра инструирана зоз Києва. Русини вжали свойо животи, фемелиї и судьбу до своїх рукох и шицко положели у цилю борби за свойо права, прешли Рубикон и иду до конца, до витворйованя поставених цильох од хторих ше вецей нє може одступиц. Русини ше вецей нємаю чого бац, Україна ше занїма зоз їх унїчтоженьом так же горше нє може буц.

Тераз почали зошицким други процеси у Подкарпатскей Руси, шицки ше муша уключиц, без винїмкох. Україна сама будзе мушиц доказовац свою нєвиноватосц за 18 рочни ґеноцид над русинским народом. Почали зме ришовац русинске питанє у рамикох медзинародних законох, а право на постоянє єдного народа у Европи нїхто ше нє ошмелї оспориц.

Главне заключенє Першого Шветового Конґресу Подкарпатских Русинох то початок ришованя русинского питаня у другим формату, тераз без України. На медзинародним уровню витвори ше и медзинародне право. За нами стотки, тисячи лобистох русинох по цалим швеце. Република Подкарпатска Рус будзе витворена!

 

На схадзки Народней Ради Подкарпатскей Руси у Сваляви дати предклад же би ше обєдинєли обидва Шветово Конгреси. Порихтани сце за то?

 

Думам же би требало формовац даяки координационо-консултантски совит котри нє будзе мац обовязкови характер и котри би хасновито доприношел координациї дїйствованя, орґанизациї периодичних конференцийох и видео конференцийох. Ми поволуєме Шветови Конгрес Русинох (РРЛ) же би як почесни член вошол до составу ШКПР а тиж так порихтани зме постац почесни член Шветового Конґресу Русинох (РРЛ). Почесли член нємал би обовязку дзелїц цилї и задатки.

 

Чи то Ви тераз упуцели урядову поволанку як предсидатель ШКПР делеґатом Шветового Конґреса Русинох, котри ше нєодлуга отрима у Сербиї?

 

Гей. Було би ми мило кед би нашо предкладанє наишло на порозуменє. Русински народ, без огляду у котрей жеми жиє – єден и єдини. Гранїци, океани и було яки други препреченя можу ше навладац. Тераз барз важне обєдинїц ше за спашенє русинох.

 

Дзекуєм на интервюу

 

интервю водзел

Мирослав Силадї


http://dzhugan.livejournal.com/2058.html
Subscribe

  • Post a new comment

    Error

    Anonymous comments are disabled in this journal

    default userpic

    Your IP address will be recorded 

  • 2 comments