podkarpatrus (podkarpatrus) wrote,
podkarpatrus
podkarpatrus

Русинська фiгля из соцiальноi сетi "Однокласникы" из групы "Республiка Подкарпатська Русь"

Передповідь.

Ми ж ме ушиткі русини є пудкарпатські, газди добрі й файтові. Розуміємеся на ушиткому, даколи си упєме мацінько, а кіть алдамаш та годні сь ме й децу уцідити, айбо жон свойих любиме, ги пікницю. У хижах наших вшитко уладжено, урайбано й побігльовано, щи й марга файно упозірує. Фіглі любиме фест, єдно - кіть дако ушаліє та нам дашто уповість - валовшні й учмелити. Иппен й за того, би сь ме ся не вадили нигде, уметуєме сі Положения. А кіть дакий сомар буде ся з них регоніти, не побзираєме же то почливий фивник, а вадь дітвача - пуцош, укопкаєме до смоли гиркої за перевал.

Положениє 1

Пудкарпатська Русь, кіть дако не знав, є файтов русинув, шо у нів жиют. Тягнеся земля ся од Соломонова д Чорнів Горі, а й од Стужиці до Ділового на полудни, што коло грубого потіку Тиси. Межі свої сокотиме, айбо й у чужу не ступиме.

Положениє 2

Русини то люди, што жиют в Пудкарпатскув Руси. Доста наших щи й за перевалом, та й по земли їх до блуда: ко в рекликах з машликами, а ко й у ринті дашто рихтує. Айбо ушиткі бізонь зимлю свою бичелюют а й бизуются ньов. З за перевала челядь до себе себе ми все пустиме, бо добрі сь ме ги шовдерь на Паску. Айбо кіть будут бумбаки в зітю лізти - уфляцкаєме думів до фрасової каріки.


Положениє 3

Русини є люди, та й є жони. Люди косити ходят, а жони віган носят. Кіть дакі віпери мислят ош вни люди, а вадь челядник дакий віган начне міряти - сьих сомарів до дохторя одвести мусай. А кіть не помагат - завадити на смереку до фраса. Добре шо ся не розмножавут.

Положениє 4

Газдов у хижі є май старший челядник у файти. А вадь просто челядник. Жони не люди, газдов боти не можут. Єдно шо на 8 марта жона газдує, айбо лим по полудне, бо до полудня мусит їсти ладити.

Положениє 5

Ми русини власть не признаєме, се се жівани недуйдаві й недрібні, нич лим ся з челяди збиткувут. Наша власт - то газдівство, у каждої файти своє. Газдівство сокотиме, через єден межи парадичками машингевер заниканий має. Айбо й без того мотичилном вадь кутачом зворохобити дакого жівана валовшні. Лим бирова вадь старосту бичелюєме, челядьов поставлених. Кить дись вадня дакась - до них йдеме. Айбо кіть крадут, вадь із пивниці не вилазят, сомари - мош йих скопкати а й зато.

Положениє 6

Межи собов по нашому говориме. За перевалом мощ щи инчак гиндати, лим кить не межи собов. Русин із русином все палачінташку палачінташков називат, а кіть уповіст ош то пательня дака вадь сковородка - ковдош ун є, та мош му тварь уфляцкати до сукровици.

Положениє 7

Їдіння кажда жона (кіть не босорканя вадь випера дака) фурт мусит шіковно приладити, а й файной варити, доста соленой, перченой, а кіть шетемені дакі - та солодкоє. А щи мусит в хижі порядок навести, цуря порайбати, вибіглювати, гомбички привадити, горнці й фінжята умити, топанки учистити би блищали ги в мацура яйця. Кіть то не уладит - валовшно ї тичков учмелити у воспітательних целях.

Положениє 8

Челядники годні раз в тиждень дубрі у генделику алдамашовати. А до деци файно ся бзират дерабчик солонини, вадь гурка. Айбо так сидіти мусит би валовшен бов гузицю думів припхатися на дунгови. Инчак жона го може дома дуркнути а й загойкати - Гута би тя била!

Положениє 9

Май почливим городом Пудкарпатскої Руси є Абранка. Щи є Страбичово й Горонда - 2 великі города, дакілько других городів, а сел тілько, што заклятися мош. Се є наша география.

Положениє 10

Налогив вадь дани даякої никус-нич не признаєме, би ся закляли гет. Кіть дако жирує - значит файний газда. Лим би не крав нич, а й жіваном не бов, та най си жиє, файтов обростат.

Положениє 11

Наша фана - червений медвідь на білів простині, маєме щи гімн - "Пудкарпатськиє русини..." Русини порядні го дубрі знавут та туйки го виметувати нема нашто.

Положениє 12

А й доста боло 12 положений. 13 - боло би нефайной число. Ушитко другоє за нас най дітвачатам няньо розказує на ніч. А ко з за перевала приперся - та го уйки наші дубрі научать, кіть не буде хотіти - воспитаєме кутачом. На сьому вшитко.
http://www.facebook.com/



САЙТ ПОДКАРПАТСКАЯ РУСЬ
Subscribe

  • Post a new comment

    Error

    Anonymous comments are disabled in this journal

    default userpic

    Your IP address will be recorded 

  • 0 comments